JZ'S ROMAN URDU EXPRESSION (TOOTI PHOOTI SHAIRI)---UPDATED JULY 15, 2014

       

KEEP VISITING WWW.JAVEDZAHEERNEWS.BLOGSPOT.CA 

      FOR LATEST ARTICLE/ROMAN URDU EXPRESSION

                                         ***********

        JZ'S MOTTO: SERVE HUMANITY IN REALITY

                     WORSHIP JUST ONLY ALLAH

             JAVED ZAHEER’S TOOTI PHOOTI SHAIRI  

                     (ROMAN URDU EXPRESSION)

Tel: (416)696-0981/(647)740-0981. Email: jazamedia@hotmail.com                

LATEST EXPRESSION
    
 JZ’S ROMAN URDU EXPRESSION

     NUMBER FIFTYONE (51) 

 AB HOSH MEIN AAO

   JAGO AUR JAGAO

             BY JAVED ZAHEER

Dekh Teri Maa Ka Kia Hashar Horaha Hai

Ab Bhi Tu Beghairat Bunkey So Raha Hai

Tu Kaisa Musalmaan Aur Behis Insan Hai

Murda Tera Zamir Na Moo Mein Zaban Hai

Kheltey Hain Sub Hi Mil Ke Khoon Ki Holi

Maar Kaat Ke Qaum Ki Lagatey Hain Boli

Waqt Jaagne Ka Kiyun So Ke Kho Raha Hai

Aye Besharam Insan Ye Sub Kia Horaha Hai

Khuda Ne Tumhain Di Kitni Izzat-O-Shan

Ab Kia Huwa Tujhe Mere Bhai Musalmaan

Insaniyat Ka Banaya Tumhain Alam Bardar

Sari Qaumoun Ka Banaya Tumhain Sardar

Mila Di Tum Ne Khak Mein Sari Izzat-O-Shan

Ab Kiyun Ro Rahay Ho Aur Kiyun Pashemaan

Aag Falasteen Se Lagi Pakistan Tak Hai Bhai

Kaat Rahe Musalman Ko Mil Ke Zalim Qasai

Kia Faryad Mazlumoun Ki Tere Kaan Tak Ayi

Hai Koi Mard Jo Dilai In Becharoun Ko Rahai

Ye Chup Rehne Ka Waqt Nahi Awaz Uthao

Jaago Khud Bhi Aur Sub Logoun Ko Jagao

Islam Tu Tum Ko Bachaney Aya Hai Insan

Islam Hi Deta Tumhain Insaniat Ki Pehchan

Zalimoun Ka Kia Kaam Deen-O-Mazhab Se

Karte HainWo Pyar Sirf Mufad-O-Matlab Se

Insaniyat Se Nahi Dor Tak Koi Unka Wasta

Hain Zalim Darinday Alag Hai Unka Rasta

Aman Ke Naam Pe Wo Chaman Loot Te Hain

Mazhab Ke Naam Pe Dha Te Wo Ghazab Hain

Dete Hain Dhoka Roop Badal Ke Kaise Kaise

Hote Sub Makkar Aur Dikhte Farishtey Jaise

Tum Raho Hoshiar Khabardar Tayyar

Karte Hain Ye Bohot Makkari Se War

Ye Baat Achi Tarha Samhj Lo Mere Bhai

Chahey Tum Muslim Yahudi Ho Ya Esai

Allah Ko Maan Ne Waley Hain Sub Bhai

Na Samjhe Tu Phir Hogi Zillat-O-Ruswai

Isi Liye Tu Kehta Hoon Ab Hosh Mein Aao

Jago Aur Jagao Mil Ke Millat Ko Bachao

                       **********     

JZ’S ROMAN URDU EXPRESSION

     NUMBER FIFTY (50) 

ALLAH MULLAH AUR INSAN

                 BY JAVED ZAHEER

Kitna Jahil Badnaseeb Bewaquf Hai Insan

Darta Nahi Allah Se Mullah Pe Meherban

Parhta Hai Tasbih Rab Ki Sunta Hai Baqi Sub Ki

Bunke Naam Ka Muslim Kia Halat Ki Ummat Ki     

Allah Ko Maanta Hai Ye Allah Ki Maanta Nahi

Mullah Ki Maanta Hai Mullah Ko Maanta Nahi

Dhoka Khata Mulla Se Shikwa Karta Allah Se

Karta Pyar Dunya Bhar Se Darta Nahi Qabar Se

Kis Haal Ko Pohnchaya Is Sonch Ne Insan Ko

Kaisa Gul Khilaya Dunya Ney Musalmaan Ko

Mullah Se Teri Yaari Shaitan Ko Hai Pyari

Banake Tujhe Gadha Karta Hai Wo Sawari

Aaj Sharam Se Sar Jhukay Tu Apni Hi Waja Se

Suntay Gar Khuda Ki Tu Rehtay Sub Mazay Se

Ab Bhi Kuch Nahi Gaya Aye Hazrat-E-Insan

Hosh Mein Aao Acha Insan Bano Musalmaan

Jaan Lo Maan Lo Jaali Mullah Ko Pehchaan Lo

Insaniyat Hi Sub Kuch Hai Samajh Se Kaam Lo

                          **********

JZ’S ROMAN URDU EXPRESSION

     NUMBER FORTYNINE (49) 

 WAQT, HALAAT, MAHOL

         BY JAVED ZAHEER

Dekhiye Waqt, Halaat, Mahol Ka Sitam

Kaise Insan Ko Shaitaan Bana Dete Hain

Molvi Jo Allah Allah Karta Rehta Hai Gharib

Pal Bhar Mein Usko Haiwan Bana Dete Hain

Khud To Tum Insan Samjhte Ho Fakhar Se

Bun Ke Shaitaan Gir Gaye Allah Ki Nazar Se

Sawal Karte Ho Allah Aur Uski Pak Zaat Par

Lagta Hai Tum Pe Haiwan-O-Shaitan Ka Asar

Maafi Maango Allah Se Gir Gira Ke Ro Ro Ke

Maaf Karde Ga Tumko Wo Bohot  Khush Ho Ke

                         **********

JZ’S ROMAN URDU EXPRESSION

     NUMBER FORTYEIGHT (48) 

DARD DIL AUR ANSO

               BY JAVED ZAHEER

Dard Dil Aur Ansoo Ka Gehra Rishta Hota Hai

Jub Dil Toot Ta Tu Dard Ansoo Bun Ke Behta Hai

Tor Ne Wala Kub Kahan Ye Sochta Hai

Ki Dil Ke Chaman Mein Bhi Koi Gul Khilta Hai

                          **********

JZ’S ROMAN URDU EXPRESSION

     NUMBER FORTYSEVEN (47)

MAZLOOM KA EHAD

BY JAVED ZAHEER                                       

Wo husn ki devi thi aur ashiqoun ka tara

masoomiat mein oos ne kia kuch ko ishara

un zalimoun ne choos lia ras uska sara

tub ghussay mein aakar oos ne khud ko lalkara

kia ehad ki na choroongi kisi ashiq ko kunwara

kaat ke cheen longi inkay mard hone ka sahara

                         **********

JZ’S ROMAN URDU EXPRESSION

     NUMBER FORTYSIX (46) 

KAUN APNA KAUN PARAYA

                   BY JAVED ZAHEER

Dor Kiyun Jaate Jo Aasteen Mein Hi Saamph Chupe Hain

Choostey Hain Wohi Lahu Jinko Apna Samajh Baithay Hain

Samajh Mein Nahi Aata Kaun Apna Kaun Paraya Hai

Samjha Jinhain Dost Apna Unhi Se Dhoka Khaya Hai

Tum Ghazab Samjhey Jis Ko Mere Liye Kuch Nahi

Mushkilain Aati Rahain Per Tor Sakeen Mujhko Nahi 

Ye Milap Bhi Kiya Milaap Hai Dostoun

Hum Miltey Hain Per Dil Nahi Dostoun

Karte Hain Khud Pe Zulum Aur Nuqsaan Utha Tey Hain

Samajhte Hain Har Baat Ko Phir Bhi Aisa Kiye Jaate Hain

                               **********

JZ’S ROMAN URDU EXPRESSION

     NUMBER FORTYFIVE (45)

MEIN AUR MEI SE BACHO

          BY JAVED ZAHEER

Meikhanay Se Sub Ne Mujhko Aisa Daraya

Ki Mei Ko Kabhi Dost Mein Ne Na Banaya

Mei Miqdar Mein Piyo Tu Deti Hai Suroor

Hud Se Ziada Piyo Tu Karti Paida Fatoor

Chaska Is Zalim Ka Jis Ke Moo Lag Jaye

Wo Jata Kaam Se Phir Sambhal Na Paye

Bhool Jaata Hai Sub Rishtoun Ki Pehchaan

Aisa Bana Deti Hai Mei Sharabi Ko Shaitan

Har Aurat Mein Nazar Aata Hai Usko Shabab

Isi Liye Tu Mei Ko Samjha Jaata Hai Kharab

Ye Tu Thi Kahani Mei Aur Meikhanay Ki

Aao Baat Karain Ab Mein Aur Zamanay Ki

Mein Paida Karti Hai Insan Mein Gharur

Bana Ke Zalim Usay Karti Allah Se Dur

Firoun Wo Namrood Jub Huwe Mein Ka Shikar

Allah Ne Di Saza Unhain Kia Zalil Wo Khuwar

Jitne Bhi Loug Huwe Mein Mein Mubtala

Sub Ki Huwi Pakar Un Sub Ko Mili Saza

Mei Ka Nasha Tu Sharabi Banata Hai

Kuch Der Rehta Phir Utar Jaata Hai

Mein Ka Nasha Auqaat Bhulata Hai

Gumrah Karta Aur Tabahi Lata Hai

Mei Aur Mein Donoun Hain Nafs Ke Yaar

Qaboo Paalo Nafs Pe Tu Hojain Ye Bekar

Is Zalim Nafs Ne Kia Gul Na Khilaya

Iblis Ko Bhi Behka Ke Shaitan Banaya

Isi Ne Adam Ko Jannat Se Nikal Waya

Shaitan Ki Hai Nafs Se Pakki Yaari

Nafs Hi Asal Dushman Hai Hamari

Jinsi Wo Dunyavi Khuwaish Nafs Se Tu Hai

Allah Aur Roohaniat Si Dori Nafs Se Tu Hai

Gar Karlo Tum Apni Nafs Pe Qaboo

Tu Hojao Ge Kamyaab Aur Surkroo

Shaitan Ko Tum Kabhi Kamzor Na Samjho Bhai

Is Nay Insan Ko Behkanay Ki Hai Qasam Khai

Jalta Insan Se Hai Jub Se Mili Rusvaayi

Bachna Shaitan Se Hai Tu Bacho Nafs Se Bhai

Nafs Ke Shar Ne Hai Dunya Mein Aag Lagai

Phaila Ke Nafrat Isi Ne Dushmani Karai

Isi Ki Wajah Se Horahi Hai Sari Tabahi

                     **********

JZ’S ROMAN URDU EXPRESSION

     NUMBER FORTYFOUR (44) 

GHULAMI SE CHUTKARA

       AZADI CHAHIYE

               BY JAVED ZAHEER

Bun Ke Farishtay Dhoka Dete Hain Ye Shaitan

Aisay Miley Leader, Hukmaran Aur Siasatdan

Unki Batoun Mein Aakar Loug Karte Dhamal

Aisa Nacha Te Logoun Ko Ye Sianay Dajjal

Dekhatay Subz Bagh Aur Banate Khoob Maal

Bichaa Ke Aisa Khatarnnaak Qisim Ka Jaal

Kamal Tu Ye Ki Jaante Hain Sub Unki Chaal

Tab Bhi Jhuka Ke Sir Unhi Se Mundwate Baal

Pitay Hain Wo Sub Lahu Aur Nochtay Khaal

Nikala Kachumar Qaum Ka Kardiya Badhaal

Nazar Aata Nahi Dur Tak Koi Mai Ka Laal

Jo Bun Ke Qaum Ki Dhaal Karey Inse Sawal

Murda Qaum Ka Hota Hai Yehi Anjaam

Jis Ka Dil Chahta Banata Inhain Ghulam

Kahan Ke Tum Sher Ho Aur Kaisay Sapoot

Sianay Dajjal Ke Dar Se Kar Dete Ho Mooth

Kahanian Kaana Dajjal Ki Sunatay Ho Tum

Sianay Dajjaloun Se Kub Jaan Churao Ge Tum

Bharosa Karo Tum Rahman Aur Raheem Par

Wohi Bachai Gaa Tumhain Is Sarzameen Par

Na Daro Na Peeth Dikhao In Zalimoun Ko

Karo Himmat Aur Bhagao In Zalimoun Ko

Kaam Hai Mushkil Par Anjam Dena Hoga

Warna Ghulami Ka Tauq He Pehnaa Hoga

Kitney Lougon Ne Qabza Kiya Hindustan Par

Na Hotay Ghulam Gar Rakhtay Apni Khabar

                      **********

JZ’S ROMAN URDU EXPRESSION

     NUMBER FORTYTHREE (43) 

       KHUDGARZ INSAN

             BY JAVED ZAHEER

Kiyun Milay Hamain Jannat Kia Kaam Kia Hum Ne

Rahe Khudgarz Na Farman Yehi Kaam Kia Hum Ne

Yun Umar Barbad Ki Kia Waqt Ka Ziyan Hum Ne

Rahe Dhokay Mein Kub Razi Kia Khuda Ko Hum Ne

Jo Kuch Kia Jannat KamanayAur Mafaad Ke Liye

Dua Ke Wastay Uthay Haath Apni Zaat Ke Liye

Karte Jub Ibadat Tu Maqsad Koi Apna Hota

Parti Jub Sir Par Tu Sirf Tauba Ke Liye Rota

Bun Jaati Jo Bigri Baat Tu Dekhata Apni Zaat

Badalta Hai Tewar Dekh Kar Waqt Aur Halaat

Bohot Kum Hain Jo Khuda Ke Nek Bunday Hain

Zindagi Waqf Wo Sirf Allah Ke Liye Kartay Hain

Makhlook Se Pyar Aur Rab Se Dartay Hain

Allah Ki Raza Ke Liye Jeetay Martay Hain

Har Koi Bun Nahi Sakta Azeem Insan Aisa

Jhuka Sakta Nahi Inko Koi Dewta Na Paisa

Asaan Hai Bohot Hindu Aur Musalmaan Hona

Mushkil Hai Bohot Momin Aur Insaan Hona

Momin Ka Dil Ayinay Ki Tarha Saaf Hota Hai

Rehta Hai Khuda Oos Mein Mun Pak Hota Hai

Oos Ke Ayinay Mein Dekh Kar Khud Ko Sanwaro

Na Phiro Dar Dar Bhataktay Sirf Rab Ko Pukaro

Dil Ko Bana Ke Mandir Khuda Se Rishta Jor Lo

Kar Ke Mun Ko Pak Shaitan Se Rishta Tor Lo

Gunah Se Kar Ke Tauba Burai Se Moo Mor Lo

Nafratoun Ko Mita Kar Saath Sub Ko Le Ke Chalo

Rehtay Nahi Thay Pyar Se Kia Hindu Musalmaan

Phir Kis Ne Ki Paida Dushmaani Banaya Haiwan

Aaj Nafratoun Ki Aag Mein Jal Rahe Hain Sub

Paapi Tu Yehi Chahta Hai Samjhain Ge Baat Kub

Khatam Karo Sub Nafratain Aqal Se Kaam Lo

Hum Sub Hain Bhai Bhai Insaniyat Ka Naam Lo

Mohabbat Se He Ho Sakti Hai Khatam Nafrat

Phir Dekho Dekhati Hai Kia Pyar Ki Taqat

                          **********

JZ’S ROMAN URDU EXPRESSION

     NUMBER FORTYTWO (42) 

        SOONCH MEIN INQILAB

                PAIDA KAR

               BY JAVED ZAHEER

Wo Jo Samajhte Hain Firoun Aur Khuda Khud Ko

Khauf Aata Hai Dekh Kar Anjaam Inka Mujh Ko

Phairtay Hain Moo Zalim Khalq Aur Khuda Se

Kartay Hain Sub Hadain Par Dartay Nahi Saza Se

Kaash Samajh Lete Kitna Asan Hai Khuda Ke Liye

Mazloom Ki Dua Hi Kafi Hoti Inki Fanaa Ke Liye

Wo Samajh Ke Bhi Sudharna Nahi Chahtay Hain

Dubay Apni Taqat Ke Nashay Mein Rahtay Mein

Inka Muqaddar Tu Jhannum Aur Sakht Azab Hai

Peenay Ke Liye Peep Tu Jalnay Ke Liye Aag Hai

Haan Jaan Lo Maan Lo Inko Khoob Pehchaan Lo

Choro In Sub Ka Saath Haath Mein Sirf Quran Lo

Allah Khud Kehta Ki Wo Rehman Aur Raheem Hai

Wohi Rabbul Alamin Aur Malikay Yaumiddeen Hai

Bismillah Aur Sura Fateha Mein Jis Pe Zor Dala Hai

Wo Bara Meherban Nihayat Rahem Karne Wala Hai

Gar Samajh Gai Allah Ki Is Shan Aur Haqeeqat Ko

Tu Samajh Lo Ge Quran Aur Allah Ki Naseehat Ko

Na Dara Pai Ga Koi Zalim Na Chaley Gi Makkari

Jis Ke Saath Ho Rab Wohi Hoga In Sub Pe Bhari

Hamain Qaum Ko Jagana Kirdar Banana Hoga

Sub Se Pehle Inqilab Soonch Mein Lana Hoga

Tab Hoga Yaqeen Paida Khud Aur Khuda Mein

Lehrai Gaa Parcham Haq Ka Phir Hawa Mein

                       **********

JZ’S ROMAN URDU EXPRESSION

     NUMBER FORTYONE (41) 

MOHABBAT AUR WAFA

              BY JAVED ZAHEER

Gar Karte Hum Mohabbat Aur Wafa Sabh Se

Phairtay Na Moo Waqt Aur Zamana Hum Se

Yehi Andaz Hai Qudrat Ka Sabaq Dene Ke Liye

Hosh Mein Laanay Aur Saza Dene Ke Liye

Wo Shohrat Jisko Hum Izzat Samajte Rahay

Mili Khak Mein Jub Nikli Zamin Paon Talay

Aaj Hum Kia Hain Ye Humhi Jantay Hain

Suntay Hain Subki Na Bura Maantay Hain

Gar Samaj Lia Hota Tu Aaj Yun Na Rotay

Kar Ke Neki Aur Bhalai Kuch Gunah Dhotay

Karam Hai Uska Ki Sirf Bataya Hay Hamain

Zindagi Barbaad Kar Ke Na Rolaya Hai Hamain

Mauqa Dia Hai Tauba Karne Hosh Mein Aane Ka

Sub Se Wafa Karne Aur Wada Nibhanay Ka

Izzat Karne Se Hee Milti Hai Izzat Aur Shohrat

Isi Se Paida Hoti Hai Sub Se Sachi Mohabbat

Aaj Agar Hum Ye Samaj Lain Aur Jaan Lain

Dost Aur Dushman Ki Kar Khoob Pehchan Lain

Tu Phir Waqt Aur Zamana Hojai Hamare Saath

Dekhtay Hi Dekhtay Bunjayain Gi Sub Bigri Baat

Bus Itni Si Baat Ko Na Hum Samaj Pa Rahay Hain

Chor Dakoo Lootayroun Ko Bar Bar La Rahay Hain

Khud Bun Ke Bay Bus Na Kuch Kar Pa Rahay Hain

Bun Ke Bekhari Bachi Khuchi Izzat Loota Rahay Hain

Haan Bhool Gai Tum Se Jo Kal Kahi Gai Thi Baat

Isi Liye Tu Kha Rahay Ho Sub Se Laat Aur Maat

Yaad Rakho Ye Baat Tu Khuda Bhi Dega Saath:

“Ki Muhammad Se Wafa Tu Nay Tu Hum Tere Hain

Ye Jahan Cheez Hai Kia Loh-O-Qalam Tere Hain”

                     **********

JZ’S ROMAN URDU EXPRESSION

         NUMBER FORTY (40) 

KHOTA RAJ AUR GHULAMI

                 BY JAVED ZAHEER

Na Hum Rehtay Sotay Na Raj Kartay Aaj Khotay

Gar Hosh Mein Rehtay Tu Na Do Tukray Hotay

Sambhala Na Mulk Ko Tu Phir Kiyun Hain Rotay

Hamari Waja Se Hi Aish Kar Rahe Sarey Khotay

Ab Bhi Waqt Hai Sambhalnay Hosh Mein Aanay Ka

Utha Ke Danda Maar Ke Khotoun Ko Bhaganay Ka

Nahi Kaam Banay Ga Sirf Aansoo Bahanay Se

Ye Masla Na Hal Hoga Moo Mornay Chupanay Se

Jaan Chotay Gi Sirf Hosh Aur Harkat Mein Aanay Se

Warna Rok Paaye Ga Na Koi Ghulami Mein Janay Se

                              **********

JZ’S ROMAN URDU EXPRESSION

     NUMBER THIRTYNINE (39) 

NAZAR KA KAMAL

     BY JAVED ZAHEER

Yun Nazar Se Nazar Jub Milai Oos Ne

Ki Aankhon Se Dil Tak Rasai Oos Ne

Ghazab Ki Kashish Bala Ki Roshni Thi

Uski Nazar Mein Roohaniat Itni Thi

Dil Ko Roshan Shama Ki Tarha Kardiya

Mohabbat Aur Khuloos Se Dil Bhardiya 

Jub Dil Ke Ainey Mein Dekhi Tasveer Apni

Uski Nazar Se Badal Te Dekhi Taqdeer Apni

                  ***************

JZ’S ROMAN URDU EXPRESSION

  NUMBER THIRTYEIGHT (38) 

UROOJ AUR ZAWAL

                   BY JAVED ZAHEER

Jub Urooj Hota Hai Tu Zawal Nazar Nahi Ata

Apne Siwa Dosroun Ka Kamal Nazar Nahi Ata

Khud Se Karte Mohabbat Auroun Ka Khayal Nahi Ata

Khud Parasti Mein Hai Tabahi Sarasar 

Is Baati Se Unko Sabaq Kiyun Nahi Ata

Karte Hain Hum Bhi Tum Se Pyar

Tum Ko Magar Aitbaar Kiyun Nahi Ata.

                      ***************

JZ’S ROMAN URDU EXPRESSION

  NUMBER THIRTYSEVEN (37) 

           SACHAY DOST

               BY JAVED ZAHEER

Yun Tu Bohot Miltay Hain Waqt Guzarnay Waley

Kum Miltay Hain Magar Loug Samhalnay Waley

Hotay Hain Wo Qeemti Heeray Moti Se Bhi Ziada

Rakhtay Khayal Bohot Karte Hain Sacha Waada

Insan Ki Haisiyat Nahi Haqeeqat Ko Dekho

Insaniyat Dekhni Hai Tu Sharafat Ko Dekho

Jin Mein Hoti Sharafat Wo Shararat Nahi Kartay

Hotay Wohi Sachay Dost Jo Aik Dosray Pe Martay

Aisay Hi Saathi Aur Dost Talash Karo

Yunhi Har Airay Ghairay Pe Na Bharosa Karo.

                ***************

JZ’S ROMAN URDU EXPRESSION

     NUMBER THIRTYSIX (36) 

 SHAITAN AUR MULLA

             BY JAVED ZAHEER

Ek Din Ghussey Mein Nazar Aya Shaitan

Bola Kiyun Karte Ho Mulla Ko Pareshan

Mulla Se Tu Hai Meri Pakki Dosti Yaari

Phailata Hai Jo Khoob Fitnoun Ki Bimari

Deta Hai Har Ek Baat Pe Faurun Fatwa

Anjaam Ki Hoti Nahi Koi Isko Parwa

Larana Aur Bhatkana Hai Iska Shewaa

Loot Ta Hai Logon Ko Khata Hai Mewa

Aurat Chahiye Isko Talaq Shuda Ya Bewa

Harap Kar Jata Hai Sub Samajh Kar Halwa

Jo Chahiye Karey Halal Jub Chahe Halala

Hujre Mein Jub Mil Jaye Karle Moo Kala

Dikhta Jo Allahwala Bari Cheez Hai Sala

Tasbeeh Hoti Haath Mein Jhabta Meri Mala

Allahwaloun Se Nahi Karta Mein Dushmani

Banta Wohi Mulla Jo Karta Money Money

Jub Dekho Maangta Rehta Hai Bus Paisa

Lagaya Mein Ne Isko Bura Chaska Aisa

Easy Money Ki Dali Lath Banaya Lazy

Mili Jub Aish Tu Bana Anal-Sex Crazy

Hota Hai Ye Bohot Ziada Ayyar Makkar

Isi Liye Tu Samajhta Hoon Isko Rishtedar

Allah Se Kia Mein Ne Jo Karne Ka Wada

Mulla Ne Dia Saath Is Kaam Mein Ziada

Ab Tu Mein Bay Fikar Sukoon Se Hoon

Mulla Ne Di Fursat Aaram Tu Kar Loon

                  ***************

JZ’S ROMAN URDU EXPRESSION

     NUMBER THIRTYFIVE (35) 

AZAN AND QURAN

        BY JAVED ZAHEER

Poocha Kisi Ne Kia Kehta Hai Quran

Kaha Mein Ne Sun Lo Ghaur Se Azan

Samajh Aye Ga Ghaur Karne Se Paigham

Quran Ki Tarjumani Hai Is Mein Tamaam

Adam Se Muhammad  Ne Kia Yehi Kaam

Kaha  Allah Hu Akbar Lia Allah Ka Naam

Bola Sub Se Kaho Sirf La Ilaha Illallah

Nahi Ibadat Ke Laiq Koi Magar Sirf Allah

Kaha Allah Ne Wohi Hai Aik Aur Beniaz

Laiq Sajda Ke Wohi Karo Qaim Namaz 

Na Oos Ki Koi Na Wo Kisi Ki Aulad Hai

Nahi Koi Oos Se Bara Malik Wo Subka Hai

Allah Hi Rehman Allah Hi Raheem Hai

Allah Hi Sirf Malik-e-Yaumuddin Hai

Hum Usi Ke Bande Usi Se Maang Te Hain

Nahi Mohtaj Kisi Ka Hum Ye Jaante Hain

Ziada Tar Quran Mein Bataya Apna Kamal

Teeswain Parey Mein Dikhlaya Apna Jalal

Phir Bhi Ye Musalmaan Karte Nahi Khayal

Allah Se Dor Karta Hai Mulla Bicha Ke Jaal

Hoti Majal Logoun Ki Nahi Maante Quran

Baat Karte Allah Ki Dete Mulla Pe Jaan

Yun Huwe Dor Jub Quran Se Musalmaan

Allah Ko Ghussa Aya Dikhai Apni Shaan

Isi Liye Ro Raha Mar Raha Hai Musalmaan

Mulla Tu Chala Ta Rahey Gaa Apni Dukan

Hosh Mein Aao Bhat Ke Huwe Musalmaan

                  ***************

JZ’S ROMAN URDU EXPRESSION

     NUMBER THIRTYFOUR (34) 

LOVE AND LUST

            BY JAVED ZAHEER

Kisi Ko Pyar Tu Kisi Ko Qarar Chahiye

Kisi Ko Dil Tu Kisi Ko Deedar Chahiye

Hojaye Deedar Tu Milta Hai Qarar

Miljayain Dil Tu Hota Hai Pyar

Jub Bhi Tum Kisi Se Pyar Karo

Sachey Dil Se Beshumar Karo

Rab Se Ya Sab Se Tum Karo Sirf Pyar

Bacho Is Lust Se Hai Karta Jo Bimar

Kehte Hain Ki Love Andha Hota Hai

Haqeeqat Mein Lust Andha Karta Hai

Love Izzat Aur Qadar Karata Hai

Lust Izzat Ki Dhajjiyan Urata Hai

Love Bandey Ko Insan Banata Hai

Lust Insan Ko Shaitan Banata Hai

Love Ka Darja Ibadat Ka Hota Hai

Lust Beej Burey Amal Ka Bota Hai

Sacha Love Hota Sirf Ek Nazar Mein

Nahi Ye Quwwat Maal Wo Zar Mein

Love Mein Lut Ta Nahi Milta Qarar Hai

Lust Mein Rehta Bechain Beqarar Hai

Ajab Fitrat Hai Hazrat-e-Insan Ki

Maangta Allah Se Sunta Shaitan Ki

Tamanna Karta Hai Love Ki

Harkatein Karta Hai Lust Ki

Adam Ko Di Hawwa Kia Dor Gandum Se

Love Thi Hawwa Tu Lust Tha Gandum Se

Hai Baat Samajh Ne Ki Love Aur Lust Ko

Love Ko Banao Dhaal Dor Rakho Lust Ko

                              **********    

JZ’S ROMAN URDU EXPRESSION

   NUMBER THIRTYTHREE (33) 

KIRDAR AUR SAMAAJ

BY  JAVED ZAHEER

Jo Chahte Ho Izzat Tu Samjho Ye Baat

Milti Hai Izzat Bari Mushkil Ke Saath

Yun Hi Nahi Milti Samaaj Mein Izzat

Karna Parta Hai Iske Liye Kafi Mehnat

Banana Parta Hai Bohot Acha Kirdar

Batana Parta Ki Ho Nek Samajhdar

Dikhana Parta Hai Bun Ke Zimmedar

Mukhlis Bhi Imaandar Aur Wafadar

Asaan Nahi Banana Apni Pehchan

Waqt Leta Hai Bohot Sakht Imtihan

Aise Mein Hi K2aam Aata Acha Kirdar

Ya Achey Dost Yaar Aur Rishtadar

Na Ho Pareshan Himmat Se Kaam Lo

Hosh Mein Raho Aqal Se Kaam Lo

Sabit Qadam Raho Allah Ka Naam Lo

Khud Pe Eitamad Bharosa Karte Raho

Koshish Ko Rakho Jari Na Kabhi Daro

Kitna Bhi Ho Bura Waqt Guzar Jata Hai

Arey Acha Bura Waqt Tu Aata Jata Hai

Waqt Ki Ahmiyat Aur Qadar Ko Samjho

Waqt Ke Zariye Allah Aazmata Humko

Waqt Ko Nahi Bhool Te Kirdar Waley

Waqt Ne Barey Barey Buth Tor Daley

Samaaj Mein Kirdar Ka Bara Hai Asar

Isi Se Milti Izzat Aur Zillat Kis Qadar 

Jo Karta Hai Izzat Milti Usi Ko Izzat

Barabar Samajhta Karta Mohabbat

Karta Hifazat Huqooq Aur Azadi Ki

Bun Ke Taqat Aur Izzat Samaaj Ki 

Achey Kirdar Amal Samaaj Se Tum

Do Qaum Ko Izzat Aur Maqam Tum

                **********

JZ’S ROMAN URDU EXPRESSION

     NUMBER THIRTYTWO (32) 

HAQ KI AWAZ BANO

       BYJAVEDZAHEER                                                                                     Na Na Ashiq Na Sufi Ya Shair Hoon Mein

Haq Ki Awaz Se Bus Inspire Hoon Mein

Kuch Samajhte Hain Sathya Pagal Mujhe

Kia Bataon Apne Dil Ki Hoi Halat Tujhe

Jis Dil Mein Ho Dard Wahan Hota Khuda

Sangdil Nahin Sun Pata Dukhi Dil Ki Sada

Dard Mahsoos Karna Allah Ki Nemat Hai

Dukhi Dil Se Khelna Burey Ki Fitrat Hai

Nai Zindagi Milti Hai Hamain Bar Bar

Waqt Maut Karte Nahi Kisi Ka Intizar

Jub Waqt Aata Tu Ruk Jaati Hai Saans

Zindagi Hoti Juda Maut Leti Hai Phans

Zindagi Maut Ka Khel Jub Shuru Hota

Koi Karta Hai Dua Tu Koi Rota Dhota

Zindagi Sehmi Sehmi Ghabrai Si Hoti

Maut Jub Darwaze Pe Aan Khari Hoti

Rooh Tayyar Hoti Hai Parwaz Ke Liye

Akhirat Ke Safar Kay Aghaz Ke Liye

Dhari Reh Jaati Hai Har Cheez Yahan

Jaatey Hain Sirf Hamare Amal Wahan

Hosh Mein Aao Ab Bhi Samajh Jao

Karo Mehsoos Dard Na Kisi Ko Satao

Dil Torna Nahi Dilon Ko Jorna Sikho

Toofanoun Kay Tum Rukh Morna Sikho

Aise Hi Amal Se Hogi Qabar Roshan

Zindagi Mein Bhi Nahi Koi Tension

Saath Do Logoun Ka Sachai Ke Liye

Na Karo Waqt Barbad Burai Ke Liye

Jo Nadan Hain Samjhao Pyar Se Unhain

Na Darao Dhamkao Talwar Se Unhain

Talwar Uthao Tu Sirf Haq Ke Liye

Warna Chune Jao Ge Duzakh Ke Liye

Bano Tum Haq Ki Awaz Ka Roop

Khidmat Karo Insaniat Ki Khoob

                **********

JZ’S ROMAN URDU EXPRESSION

     NUMBER THIRTYONE (31)

HIDAYAT CHAHIYE

         BY JAVED ZAHEER

Na Maal Na Daulat Na Shohrat Chahiye

Mujh Ko Bus Allah Se Hidayat Chahiye

Is Se Ziada Qeemti Kia Hoga Khazana

Khush Naseeb Ko Hi Milta Ye Nazrana

Hoon Kitna Gunahgar Tu Jaanta Hai Rab

Nahi Tujh Se Poshida Mere Amal Sub

Phir Bhi Tu Karta Kitne Mujh Pe Karam

Malik Hai Tu Mera Karta Mujh Pe Rahem

Isi Liye Tu Kehta Hoon Allah Ho Akbar

De Humko Hidayat Aur Ek Acha Rehbar

Di Mujhe Himmat Khas Maqsad Ke Liye

Qaum Aur Insaniat Ki Khidmat Ke Liye

Karta Hoon Shukar Rabbul Aalamin Ka

Wo Jo Malik Aasmaan Aur Zameen Ka

Wo Jo Rahman Hai Aur Raheem Bhi Hai

Kahta Hai Malik-e-Yaumuddin Bhi Hai

Wohi Dekha Ta Hai Sirat-e-Mustaqeem

Madad Kar Hamari Ya Rabbul Kareem

Dikha Humko Rasta Sidha Bhalai Ka

Nek Logoun Ki Tarha Rasta Sachai Ka

Jin Pe Nazil Huwa Nahin Tera Ghazab

Na Huwe Gumrah Thay Nek Bande Sub

Hamein Bhi Tujh Se Hidayat Chahiye

Ya Rab Tauba Ki Qabooliat Chahiye

Nahi Insaf Ke Qabil Maafi Chahiye

Mil Jaye Hidayat Aur Kia Chahiye

                 **********

JZ’S ROMAN URDU EXPRESSION

       NUMBER THIRTY (30) 

INSAN AUR KHUDA

        BY JAVED ZAHEER

Insaan Aur Khuda Ki Haqeeqat Kia Hai

Kabhi Tum Ne Gaur Kia Ya Samjha Hai

Who Kehte Hain Khuda Nazar Nahi Aata

Samajh Mein Unke Ye Majra Nahi Aata

Hone Ke Liye Nazar Aana Zaroori Nahi

Is Baat Ko Samjhna Koi Mushkil Nahi

Jism Zinda Hai Tu Rooh Ke Wajood Se

Kia Inkaar Kar Sakte Ho Is Saboot Se

Rooh Ko Aaj Tak Na Dekh Paya Koi

Koshishain Hoin Na Samajh Paya Koi

Isi Tarha Allah Ko Na Dekh Paya Koi

Wajood Hai Uska Kaise Jhutlai Koi

Wo Haqeeqat Hai Rooh Ek Misal Iski

Chala Raha Hai Puri Kainat Ko Wohi

Rooh Marti Nahi Aur Jism Faani Hai

Allah Ke Hone Ki Pakki Nishani Hai

Usi Ne Mitti Se Adam Ko Tha Banaya

Isi Mitti Mein Murda Jism Ko Milaya

Jism Ke Saath Tum Kuch Bhi Kar Lo

Kisi Na Kisi Surat Milta Mitti Se Wo

Chahe Ho Pak Naapak Raakh Khoorak

Milti Hai Aakhir Mein Jism Ko Khaak

Insan Ko Banaya Gaya Ek Maqsad Se

Ashraful Makhlookat Banaya Tab Se

Be Maqsad Zindagi Hoti Hai Bekaar

Aisa Insan Hota Zalil Aur Khuwar

Sachai Aur Achai Ko Maqsad Banao

Haq Ke Liye Tum Sub Kuch Kar Jao

Yehi Hain Insaniat Ibadat Ke Satoon

Isi Raah Pe Chal Ke Milta Sakoon

Yahin Se Mile Gi Qurbat Allah Ki

Meherbani Hogi Tum Pe Khuda Ki

Agar Takra Te Rahe Sar Pathar Se

Tu Nikal Jaye Gi Sari Aqal Sar Se

Chahe Ho KaabaYa Ho Hajr Aswad

Chahe Koi Mazar Ya Koi Masjid

Nahi Kar Sakte Hum In Ki Ibadat

Aisi Tu Hain Nishanian Mutaadid

Samjho Gaur Se Khuda Ki Wahdat

Isi Mein Chupi Hai Rooh-e-Ibadat

                **********      

JZ’S ROMAN URDU EXPRESSION

     NUMBER TWENTYNINE (29)

SACHI IBADAT

      BY JAVED ZAHEER

Gar Karna Hai Tujhe Sachi Ibadat

Tu Badal Apni Soch Apni Aadat

Sirf Sajda Mein Nahi Hoti Ibadat

Khidmat-e-Khalq Bhi Hai Ibadat

Bimaroun Ki Ayadat Bhi Ibadat Hai

Dukh Sukh Baantna Bhi Ibadat Hai

Sach Ke Saath Jeena Bhi Hai Ibadat

Haq Ke Liye Marna Bhi Hai Ibadat

Samajh Gaye Tum Agar Sachai Ko

Dukhi Nahi Karo Ge Apne Bhai Ko

Insaniat Ki Hamesha Karo Ge Qadar

Yun Badle Gi Mohabbat Teri Nazar

Jub Quran Ko Samajhna Seekh Lo Ge

Sahi Mein Jeena Marna Seekh Lo Ge

Insaniat Aur Allah Se Karo Ge Pyar

Shaitan Na Kar Paaye Ga Koi Waar

Ye Baat Samhj Lo Achi Tarah Bhai

Ghaflat Se Hi Milti Hai Sub Ruswai

Hoti Isi Se Hai Barbadi Aur Tabahi

Allah Ne Ye Baat Hamein Samjhai

Na Karo Ghaflat Apni Ibadat Mein

Hai Nejat Sirf Sachi Ibadat Mein

Isi Se Milti Hai Rooh Ko Taskeen

Paida Hota Hai Allah Pe Yaqeen

Hain Ibadat Ki Beshumar Shaklain

Lazim Hai Sahi Ibadat Ko Samjhain

                   **********

JZ’S ROMAN URDU EXPRESSION

     NUMBER TWENTYEIGHT (28)

SAMAJH QURAN KO

         BY JAVED ZAHEER

Na Samjha Quran Ko Jo Bhi Bechara

Ghalat Soch Ne Kia Oos Ko Naakara

Paigham Is Mein Sirf Insaniat Ka Hai

Allah Ke Ghazab Wahdaniat Ka Hai

Karo Mohabbat Sub Se Choro Burai

Quran Kehta Hum Sub Hain Bhai Bhai

Mazhab Ko Khilona Banaya Hum Ne

Khud Apna Mazaq Urwaya Hum Ne

Aaj Hum Pe Ayeen Jitni Burai Tabahi

Hum Hi Zimmedar Hain Is Ke Bhai

Insaniat Ko Hum Ne Jub Bhi Hai Chora

Allah Aur Dunya Ne Hum Se Moo Mora

Allah Ne Pehle Hum Ko Insan Banaya

Phir Islam Ke Zariye Musalman Banaya

Sacha Insan Hi Hota Acha Musalman

Na Ho Insaniat Tu Banta Hai Haiwan

Achi Niat Se Amal Ache Hotey Hain

Buri Soch Se Sub Ghalat Hotey Hain

Rahe Muslim Kum Munafiq Ziada Hain

Kehlatey Musalman Shaitan Ziada Hain

Gar Karna Hai Rab Aur Sab Ko Razi

Quran Ko Samajh Ke Jeet Le Baazi

Achey Amal Se Hi Apni Pehchan Kar

Zikar Allah Ka Fikar Insaniat Ki Kar

                  **********
JZ’S ROMAN URDU EXPRESSION

     NUMBER TWENTYSEVEN (27):

   Hai Bechara Mard

 Sehta Hai Kitne Dard   

          BY JAVED ZAHEER                        

Jub Se Tera Husn Ubhar Nikhar Dekha

Tab Se Mujhe Sub Ne Beqarar Dekha

Doob Gaya Jheel Si Aankhon Mein Uski

Dhati Thi Kia Ghazab Muskurahat Jiski

Uski Har Ada Ne Mujhko Diwana Kia

Looti Neend Phir Na Kabhi Sonay Dia

Chen Tu Gunwaya Saath Qarar Bhi Gaya

Na Raha Kisi Kaam Ka Pagal Bun Gaya

Cheen Liya Is Tarha Mujh Se Mujhko

Taras Aya Na Meri Jaan Zara Bhi Tujhko

Shama Ki Tarha Jalti Aur Jalati Mujhko

Ab Tu Jalne Mein Hi Maza Ata Mujhko

Itna Honay Se Tujh Pe Hota Kiyun Asar

Chaha Mai Ne Tha Tu Thi Bay Khabar

Jalne Ka Tarap Ne Ka Apna Maza Hai

Majnu Farhad Ne Bhi Isko Chakha Hai

Har Ek Mein Ek Shakhs Chupa Hota Hai

Koi Mir Koi Ghalib Koi Iqbal Bunta Hai

Samajhne Ke Liye Inko Nazar Chahiye

Diwano Ko Husn Pe Ek Nazar Chahiye

                   **********

JZ’S ROMAN URDU EXPRESSION

        NUMBER TWENTYSIX (26)

      I AM SORRY

          BY JAVED ZAHEER

Ghabrao Na Kabhi Kehne Se I’m Sorry

Sharmao Na Kabhi Kehne Se I’m Sorry

Chote Bareya Sub Se Kaho I’m Sorry

Izzat Nahi Ghat Ti Kehne Se I’m Sorry

Na Karo Kaam Aise Jo Kehna Pare Sorry

Inse Bachne Se Nahi Hoti Kabhi Worry

Buzdil Ko Hoti Nahi Kabhi Nadamat

Murda Zamir Inke Hote Hain Budbakht

Bahadur Hi Karta Hai Sorry Ki Himmat

Jub Ehsas Dilati Usay Uski Sharafat

Jis Ne Na Ki Sorry Aafat Ki Pari Maar

Mili Pareshani Huwa Zalil Khuwar

Isi Liye Kehte Hain Sabhi Samajhdar

Kehna Pare Tu Kaho Sorry Baar Baar

Makkar Ki Sorry Se Hamain Allah Bachai

Keh Ke Sorry Samne Phir Deta Daga Hai

Aaj Dunya Mein Kiyun Zalil Huwe Hum

Parey Burai Mein Apnou Pe Kiye Zulum

Sorry Baat Dor Ki Na Aankh Huwi Num

Phir Kiyun  Kare Allah Tum Pe Karam

Dete Ho Dhoka Usko Aati Nahi Sharam

Karo Sorry Dil Se Tab Miley Ga Raham 

                      **********

JZ’S ROMAN URDU EXPRESSION

     NUMBER TWENTYFIVE (25):

ALWAYS PROMOTE

             LOVE

       BY JAVED ZAHEER

Koi Kitna Bhi Kahe I Hate You

Tum Hamesha Kaho I Love You

I Love You  Se Dil Milte Hain

Love  Se Hi Dard Mit Te Hain

I Hate You  Se Gham Milta Hai

Hate Se Sirf Zakham Milta Hai

Mohabbat Mein Hate Nahi Hoti

Nafrat Se Sirf Dunya Dukhi Hoti

Karo Love Hate Mita Ne Ke Liye

Haters Ko Apna Bana Ne Ke Liye

De Kar Dard Na Milta Sukoon Kabhi

Love Karne Se Hote Khoosh Sabhi

Insaniat Mazhab Yehi Bataa Ta Hai

Love Se Nikalta Hate Ka Janaza Hai

Milata Love Mahbub Aur Khuda Se

Karwata Yehi Izzat Sarey Jahan Se

Nabi Se Wafa Love Se Hi Hoti Hai

Phir Tu  Kul Kainaat Teri Hoti Hai

Andaza Nahi Love Ki Taqat Ka Jisko

Milti Hai Jahan Mein Ruswai Usko

Gar Pani Hai Sub Se Izzat Tum Ko 

Bachao Hate Ki Bimari Se Khud Ko

Batao Har Banda Bashar Ko Ye Baat

Jeena Hai Tu Jiyo Love Ke Saath

               **********

JZ’S ROMAN URDU EXPRESSION

     NUMBER TWENTYFOUR (24)

HUWE KUB WO

      HAMARE

    BY JAVED ZAHEER

Jo Kehte Thay Tumhare Hain

Huwe Kub Wo Hamare Hain

Muskurahat Pe Unki Na Jao

Dil Chir Ke Inko Na Dikhao

Dete Ye Dhoka Bewafa Hain

Achey Kum Milte Yahan Hain

Kia Jis Se Pyar Khunkhar Nikla

Zeher Se Bujhi Talwar Nikla

Pehle Tu Pyar Khud Se Kar

Hai Kisi Ko Kahan Teri Fikr

Oos Gali Raste Se Na Guzar

Parti Jahan Tujh Pe Buri Nazar

Pyaroun Ki Kar Khoob Qadar

Yehi Saath Denge Kis Qadar

Mushkil Se Milta Hai Sacha Pyar

Lakhon Mein Hote Hain Do Char

Phir Te Hain Marey Bohot Bekar

Bana Sakte Nahi Inko Apna Yaar

Agar Qurbat Ki Talab Hai Tujhko

Magnet Se Lohey Ki Tarha Chipko

               **********

JZ’S ROMAN URDU EXPRESSION

     NUMBER TWENTY THREE (23)

KHUD SE JIHAD KAR

          BY JAVED ZAHEER

Khud Se Jihad Kar Na Barpa Fasad Kar

Ghusse Ko Pee Jaa Sirf Sahi Baat Kar

Samajh Khoob Se Ayyari Makkari Ko

Mukammal Rakh Hamesha Tayyari Ko

60 Saal Tak Dekhe Dunya Ke Jo Halaat

Kia Kia Nazare Dekhe Kia Kia Kamalaat

Dete Hain Dhoka Insaniat Ki Karke Baat

Matlab Ke Liye Kehte Din Ko Bhi Raat

Bohot Mushkil Se Bachaya Inse Khud Ko

Allah Na Karta Madad Tu Khajate Mujho

Nazar Tum Zindagi Ke Maqsad Pe Rakho

Aur Phir Maza Asal Kamyabi Ka Chakho

Mushkilain Aingi Darain Gi Tumko

Har Tarha Se Ye Aazmain Gi Tumko

Rulaingi Sataingi Behkain Gi Tumko

Darey Tu Qabristan Pochain Gi Tumko

Sub Burai Achai Nazar Aye Gi Tumko

Har Sachai Burai Nazar Aye Gi Tumko

Bura Waqt Apne Tewar Dikhai Ga Tumko

Dunya Hai Kitni Zalim Batai Ga Tumko

Aise Mein Bohot Himmat Hosla Chahiye

Guzar Jaye Gaa Ye Waqt Na Ghabraiye

Daman Tum Shukar Sabar Ka Na Chorna

Allah Quran Rasool Se Rishta Na Torna

Hojao Ge Jub Tum Muttaqi Aur Momin

Badlain Ge Sub Burey Naseeb Aur Din

Dunya Mein Dher Sari Izzat Miley Gi

Is Hi Tarha Tumhain Jannat Miley Gi

                ***************

JZ’S ROMAN URDU EXPRESSION

     NUMBER TWENTYTWO (22)

KAR ACHEY KAAM

       BY JAVED ZAHEER

Khuda Ko Khudi Hai Bohot Pasand

Rakhna Hamesha Hai Is Ko Buland

Neki Ki Taraf Manind Barq Tu Lapak

Bijli Ki Tarha Har Taraf Tu Chamak

Insan Ne Insan Ko Na Samjha Kabhi

Insaniat Ki Khoob Dhajjian Urata Tabhi

Dhongi Ne Bunke Molvi Masjid Banali

Masoom Musalman Se Manzil Churali

Koi Pir Koi Faqir Koi Bana Mujawir

Hote Hain Ye Sub Makkar Aur Shatir

Dete Hain Ye Dhoka Sub Logoun Ko

Nazar Aate Jo Nek Hum Logoun Ko

Musalman Ne Quran Se Jo Nata Tora

Khuda Se Huwa Dor Mulla Se Nata Jora

Allah Ne Bhi Phir Ghusse Se Moo Mora

Isi Liye Sari Dunya Ne Aaj Zulum Tora

Haal Dekh Ke Inka Ab Lagta Mujhe Dar

Jahannum Ko Banate Hain Jo Apna Ghar

Itne Gumrah Ruswa Barbad Huwe Hum

Dunya Bani Dushman Dost Rahe Kum

Gar Mazhabe Islam Allah Ka Na Hota

Tu Mein Shartia Musalmaan Na Hota

Hum Hi Ne Tu Kya Islam Ko Badnam

Isi Liye Sub Kar Rahe Zalil Sarey Aam

Jeena Hai Izzat Se Tu Kar Achey Kaam

Jor Rishta Allah Se Le Bus Isi Ka Naam

             *************** 

JZ’S ROMAN URDU EXPRESSION

     NUMBER TWENTY ONE (21)

AURAT MAMTA KE

       ROOP MEIN

              BY JAVED ZAHEER

Aurat Ki Azmat Ko Jub Tum Samajh Jao Ge

Qadar Karo Ge Uski Na Usko Satao Ge

Shaitan Bhi Aurat Ki Azmat Ko Manta Hai

Paighambaroun Ki Bani Maa Ye Jaanta Hai

Maa Bun Ke Deti Khoob Pyar Aur Dua

Shareek Bun Ke Batati Ki Kia Hai Wafa 

Beti Ke Roop Mein Karti Hai Ghar Roshan

Is Ki Khusboo Se Khoob Mehke Chaman

Naa Ki Zalim Dunya Ne Aurat Ki Koi Qadar

Banaya Bazar Ki Zeenat Rulaya Kis Qadar

Kabhi Ki Zabardasti Tu Kabhi Kiya Jabar

Aurat Hi Rahi Aurat Ki Dushman Magar

Shareef Izzat Deke Lete Hain Loot Te Nahi

Shareer Izzat Loot Te Hain Pooch Te Nahi

Yehi Tu Hai Farq Insan Aur Haiwan Mein

Hoti Nahi Sharafat Kabhi Baimaan Mein

Aurat Ko Izzat Aur Mohabbat  Chahiye

Doobte Ko Sahara Aur Kinara Chahiye

                     ***************

JZ’S ROMAN URDU EXPRESSION

             NUMBER TWENTY (20)

ILM AISA KHAZANA

             BY JAVED ZAHEER

Bharhta Jo Baant Ne Se Ilm Aisa Khazana Hai

Karta Roshan Aqal Ko Samajh Ne Ye Jana Hai

Rahai Jahalat Wo Darindagi Se Dilata Hai

Allah Ye Baat Kitaboun Mein Batata Hai

Ilm Hi Ki Badoulat Insan Allah Ko Paata Hai

Jo Raha Ghafil Haqeeqat Se Bhatak Jaata Hai

Na Ho Ilm Dost Tu Aqal Bunti Hai Dushman

Banati Hai Khoob Bura Karti Bohot Budzun

Ye Jaan Lo Maan Lo Haqeeqat Pehchan Lo

Allah Quran Rasool Ko Ilm Se Pehchan  Lo

                     ***************

JZ’S ROMAN URDU EXPRESSION

     NUMBER NINETEEN (19)

ADA KA ASAR

             BY JAVED ZAHEER

Gar Husn Diwana Tu Jawani Mast Karti Hai

In Se Ziada Magar Ek Ada Asar Karti Hai

Dekhati Sub Ko Apne Jalwey Ka Jadu

Banati Ashiqoun Ko Laila Aur Majnu

Jub Kisi Ko Kisi Ki Ada Bhaati Hai

Har Cheez Uski Achi Nazar Aati Hai

Fana Karte Hain Ashiq Khud Ko Iske Liye

Badshah Bunjate Hain Faqir Jis Ke Liye

Luta Dete Hain Ashiq Sub Kuch Apna

Dekhte Rehte Bus Subh Sham Ek Hi Sapna

                ***************

JZ’S ROMAN URDU EXPRESSION

        NUMBER EIGHTEEN (18)

WAQT KA SABAQ

           BY JAVED ZAHEER

Waqt Ne Hamain Bohot Kuch Sikhaya Hai

Achey Buray Logoun Ka Farq Bataya Hai

Jo Dikhte Thay Insan Khabis Shaitan Nikle

Jo Lagte Thay Meherban Baimaan Nikle

Qadar Karo Sache Dost Aur Pyaroun Ki

Parwa Na Karo Zalim Rishte Daroun Ki

Khud Pe Aur Khuda Pe Bharosa Rakhna

Yehi Tumhari Taqat Hai Yaad Rakhna

Waqt Aaney Pe Isey Aazmaya Hai Mainey

Kasam Se Khoob Maza Paya Hai Mainey

Jo Takabbur Ke Nashe Mein Doobe Thay

Barbad Huwe Unke Sub Mansubey Thay

Samajhte Thay Jo Khud Ko Khuda Kabhi

Aaj Pareshan Haal Nazar Aate Hain Sabhi

Tarkeeb Jahannum Se Bachne Ki Karte Hain

Khuda Aur Maut Se Magar Nahi Darte Hain

Koshish Sirf Jahannum Se Bacha Sakti Hai

Khuda Aur Maut Se Nahi Bacha Sakti Hai

Gar Chaho Khuda Ke Ghazab Se Bachna

Tu Shaitan  Shar Aur Burai Se Bachna

Bohot Mushkil Hai Ye Kaam Asaan Nahi

Sachi Koshish Waley Hote Nakaam Nahi

Khush Naseeb Hi Ko Milta Hai Sacha Pyar

Sacha Pyar Jo Karta Aik Dosre Ko Beqarar

Samajh Lo Jub Tumko Hojai Allah Se Pyar

Na Maut Ka Hoga Dar Na Hogi DunyaYaar

Pyar Hamesha Tum Sache Dil Se Karo

Lazzat Ke Liye Nahin Izzat Ke Liye Karo

Sirf Jism Milne Se Dil Milte Nahi Kabhi

Jub Milti Roohain Milte Hain Dil Tabhi

Dunya Mein Aye Ho Pyar Phailane Ke Liye

Sub Ki Madad Aur Kaam Aaney Ke Liye

Na Karo Barbad Khud Ko Zamane Ke Liye

Karo Kuch Tu Sirf Rab Ko Paane Ke Liye

                ***************

JZ’S ROMAN URDU EXPRESSION

          NUMBER SEVENTEEN (17)

ACHEY KAAM KAR

           BY JAVED ZAHEER

Kaam Acha Kabhi Rukna Na Chahiye

Dil Kisi Ka Kabhi Dukhna Na Chahiye

Kaam Achey Kar Aur Beshomar Kar

Naam Se Apney Jag Ko Beqarar Kar

Dil Mein Yun Samao Ki Dharkan Bunjao

Yaaden Aisi Dejao Ki Amar Kehlao

Roshan Yun Raho Jaise Shams-o-Qamar

Marne Ke Baad Rahe Roshan Teri Qabar

Ye Naam Ye Maqam Yun Hi Nahi Milta

Sachai Mohabbat Ibadat Se Hai Milta

Chaman Mein Har Phool Gulab Nahi Hota

Insaniat Jis Mein Ho Wo Kharab Nahi Hota

Fasadi Ka Hai Kaam Dehshat Gardi Karana

Jihadi Dikhata Inko Jahannum Ka Thikana

Sach Ke Liye Larta Qurban Hota Hai Jihadi

Jhoot Aur Makar Se Burai Phailata Fasadi

Farq Jaan Lo Jihadi Aur Fasadi Mein Hai Kia

Aik Bana Insan Tu Dujha Haiwan Bun Gaya

                      **********

JZ’S ROMAN URDU EXPRESSION

          NUMBER SIXTEEN (16)

KIA POOCHTE HO

           BY JAVED ZAHEER

Hum Se Hamari Zaat Auqat Poochte Ho

Kia Bataon Hum Se Kia Baat Poochte Ho

Sar Hum Kata Te Hain Jhukate Nahi Kabhi

Zalim Ye Majra Samajh Paate Nahi Kabhi

Sar Jhukta Hai Tu Sirf Ek Allah Ke Agey

Sar Uthta Hai Tu Zalim Dar Ke Bhagey

Na Zulum Sehte Na Zulum Hota Tum Pe

Zalim Kabhi Bhi Haawi Hota Na Tum Pe

Samajh Lo Ye Baat Ab Bhi Ganimat Hai

Warna Sar Pe Tumhare Khari Musibat Hai

                      **********

 

JZ’S ROMAN URDU EXPRESSION

         NUMBER FIFTEEN (15)

    AMERICA KI DOSTI

             BY JAVED ZAHEER

America Na Dost Na Khuda Hai Hamara

Jis Ne Kia Bharosa Woh Hi Gaya Mara

Kaam Dara Ke Dhamka Ke Nikalwata Hai

Samajhta Hai Woh Ki Sub Ka Andata Hai

Kal Ke Dost Uske Aaj Dehshat Gard Huwe

Amriki Hukmaran Bhi Kabhi Kisi Ke Huwe

Wahan Ke Loug Tu Saada Aur Achey Hain

Bohot Mohabbat Karte  Aur Sache Hain

Hamein Chahiye Buroun Se Bach Ke Rehna

Kiyun Maante Ho Unki Sub Baat Aur Kehna

Qaum Ko Chund Loug Hi Dagha Dete Hain

Loot Te Aur Ghulam Bana Dete Hain

Jub Talak Rahey Gi Inki Ayyari Makkari

Mulk Aur Qaum Pe Rahe Gaa Waqt Bhari

Jub Tum Chaho Ge Tub Halaat Badlein Ge

Warna Ghaddar Yun Hi Qabiz Rahain Ge

Dost Dushman Ki Sahi Pehchaan Seeko

Tor Do Gulami Ki Sub Zanjeeroun Ko

Qadar Karo Apne Watan Apni Azadi Ki

Nahi Tu Tayyari Kar Lo Apni Barbadi Ki

Yehi Haqiqat Aur Anjaam Hoga Hamara

Dhoond Te Rahe Gar Dosroun Ka Sahara

Watan Hai Hamara Hum Ko Bohot Pyara

Barho Aage Aur Badal Do Waqt Ka Dhara
                           **********                                

JZ’S ROMAN URDU EXPRESSION

     NUMBER FOURTEEN (14)

HOSH MEIN AAO

        BY JAVED ZAHEER

Koi Peeta Hai Sharab Tu Koi Lahoo

Donoun Se Aati Hai Burai Ki Boo

Aik Se Khood Dujhe Se Qaum Tabah

Kaise Kahe In Ke Liye Koi Marhaba

Mein Peeta Hoon Keh Ke Iqrar Tu Kia

Ayat Parh Ke Dhoka Dia Tu Kufur Kia

Kisi Ki Bhi Zaat Pe Keechar Na Uchalo

Hosh Mein Aao Apne Aap Ko Samhalo

Qaumain Banti Hain Achey Kardar Se

Ummeed Na Rakh Achi Kisi Ghaddar Se

Ghaflat Se Tu Hota Hai Bara Nukhsan

Dushman Ko Mil Jata Hai Khula Maidan

Gar Mulk Bachana Hai Tu Hosh Mein Aao

Haqeeqat Se Lo Sabaq Aur Josh Mein Aao

Karne Se Sub Hoga Sirf Kehne Se Nahi

Kis Ka Hai Intizar Na Aye Gi Ab Wahi

                         **********

JZ’S ROMAN URDU EXPRESSION

        NUMBER THIRTEEN (13)

MAQSAD SE ISHQ

           BY JAVED ZAHEER

Maindak Ki Tarha Tar Tar Hum Nahi Karte

Shaair Ho Ne Ka Kabhi Dum Nahi Bharte

Kaam Ka Junoon Aur Maqsad Se Ishq Hai

Ye Allah Ki Meherbani Aur Bakshish Hai

Na Khali Do Haath Aik Dosre Ka Saath Do

Jo Pukare Madad Ko Tum Usko Saath Lo

Aik Adam Ki Hain Aulad Larai Kis Baat Ki

Ibrahim Ko Apna Maante Hain Hum Sub Hi

Nafrat Ka Beej Boya Hai Laanti Shaitan Ne

Kia Begara Hai Tumhara Hum  Musalman Ne

Maarte Ho Kaat Te Ho Barbad Karte Ho

Phir Besharmi Se Insaniat Ka Dum Bharte Ho

Ye Kiyun Itna Zulm Aur Sitam Karte Ho

Maaf Karta Nahi Allah Kabhi Zalim Ko

Sudhar Jao Tauba Karlo Ab Bhi Waqt Hai

Warna Tu Allah Ki Pakar Bohot Sakht Hai

Firoun Namrood Na Sikandar Bacha Hai

Allah Ke Samne Sir Sub Ka Jhuka Hai

Islam Dehshat Gardi Hai Ye Kehte Ho Tum

Samajh Te Bhi Ho Ki Kia Kehte Ho Tum

Itne Nadan Tu Nahin Jo Jaante Nahi Tum

Kis Bebaki Se Allah Ko Bura Kehte Ho Tum

                       **********

JZ’S ROMAN URDU EXPRESSION

          NUMBER TWELVE (12)

APNI PEHCHAAN KAR

            BY JAVED ZAHEER

Dunya Mein Pehchan Apni Insaniat Se Bana

Diloun Mein Jaga Sachi Mohabbat Se Bana

Hai Dil Ka Dukhana Sub Se Bara Gunaa

Isi Liye Tu Allah Ne Kia Hamein Manaa

Darja Bara Insaniat Ka Firouniat Ka Nahi

Kharabi Ki Lisaniat Ne Qaumiat Ne Nahi

Burai Ko Hum Apni Achai Samajh Baithay

Isi Liye Tu Gunaa Barey Sub Kar Baithay

Bhulaya Rab Ko Dunya Paane Ke Liye

Barbad Kia Khood Ko Zamane Ke Liye

Kia Samajhte Ho Aqalmand Insan Ho Tum

Pataa Bhi Hai Kitne Barey Nadan Ho Tum

Karte Ho Ghaltian Khood Aur Khuda Se Gila

Dete Ho Apney Rab Ko Khoob Achaa Sila

Jeena Hai Gar Tujh Ko Yahan Sukoon Se

Tu Jor Le Rishta Sirf Sachai Aur Rab Se

Isi Mein Hai Izzat Aur Najaat Bhi Teri

Arey Maan Liya Kar Kabhi Baat Bhi Meri

Kehte Hain Sub Kar Bhalai Sunta Nahi Koi

Isi Liye Tu Acha Insan Bunta Nahi Koi

Samajh Apne Aap Ko Tu Rab Mil Jaye Gaa

Jo Kuch Bhi Lutaya Tha Sub Mil Jaye Gaa

Na Mili Manzil Jub Thi Shaitan Ki Sohbat

Mila Sub Kuch Jub Mili Rehman Ki Qurbat

Imaan Hi Hai Sache Musalman Ki Taqat

                      **********

JZ’S ROMAN URDU EXPRESSION

           NUMBER ELEVEN (11)

MUSALMAAN KI HALAT

                 BY JAVED ZAHEER

Maan Ne Walon Ko Pathar Dewta Nazar Ata Hai

Phir Kiyun Na Musalman Ko Allah Mil Paata Hai

Haan Ye Imaan Ki Kamzoori Ki Wajah Se Hi Hai

Shaitan Se Yaari Aur Makkari Ki Wajah Se Hi Hai

Aaj Jo Hamein Subh Sham Parh Rahi Hai Maar

Maan Lo Hum Sub Hi Hain Is Ke Zimmedar

Kia Mujh Se Poochte Ho Kia Bataon Tum Ko Baat

Mana Khuda Ko Aik Par Maani Naa Oos ki Baat

Gawanya Sub Aish Mein Is Liye Mili Khairaat

Ghussa Aur Jazbaat Mein Aqal Se Dhoye Haath

Dushman Ko Maarne Ka Mauqa Khood Dete Hain

Hum Apni Qabar Afsos Khood Khod Lete Hain

Samajh Mein Aajati Agar Allah Rasool Ki Baat

Dunya Mein Hote Khuwar Na Parti Hamein Laat

Ab Bhi Waqt Hai Samhal Ja Samajh Ja Musalman

Bachai Gaa Museebat Mein Sirf Allah Aur Quran

Dushman Ko Na Samajh Dost Who Tu Hai Baiman

Dikhta Hai Who Shareef Haqeeqat Mein Hai Shaitan 

                             **********

JZ’S ROMAN URDU EXPRESSION

            NUMBER TEN (10)

FIKR AAMAAL KI KARO

             BY JAVED ZAHEER

Fikr Tum Apni Qabar Aur Aamaal Ki Karo

Na Sirf Sood Haram Aur Halal Se Daro

Dunya Ko Batao Ke Tum Cheez Kia Ho

Insaniyat Ke Kaam Se Nahi Tum Juda Ho

Amal Se Hastiyun Ne Kiye Musalman Kitne

Mulla Ne Tu  Diye Sirf Fatwey Aur Fitney

Nazar Aisi Ki Chand Nazar Aata Nahin Inko

Samajhte Hain Sub Nazar Aata Hai Jinko

Dekho Tu Nigahe Mard Momin Se Dekho

Wohi Badal Deti Hain Taqdeeroun Ko

Rehem Se Nikley Be Rehem Dunya Aye

Yahan Insan Kum Shaitaan Ziada Paye

Lage Hain Ziada Tar Loot Mar Mein Loug

Afsos Musalmoun Ko Bhi Laga Ye Roug

Kehte Hain Allah Rasool Se Ki Hum Tere Hain

Lagate Magar Shaitaan Ke Ird Gird Phere Hain

Zara Hosh Mein Aaa Aisi Koi Baat Naa Kar

Lougoun Se Kar Mohabbat Sirf Allah Se Dar

                            **********

 JZ’S ROMAN URDU EXPRESSION

                  NUMBER NINE (9)

BANA LE PIYA

          BY JAVED ZAHEER

Ghazab kia tu ne jo samajh ke na diya

Allah ki meherbani ko oos ki nishani ko

Pooche gaa jub Khuda ki tu ne kia kya

Roz mehshar kia moo dekhai gaa Rab ko

Waqt nikal tauba karne dil lagane ke liye

Razi kar kay bana le oos ko apna  piya

            **********

JZ’S ROMAN URDU EXPRESSION

           NUMBER EIGHT (8)

REH NAA BE KHABAR

                   BY JAVED ZAHEER

Dunya Ko Galey Laga Liya Ab Rab Ko Dekh Laga Kar

Gar Nahi Ki Hai Tayyari Tu Reh Naa Be Khabar

Allah Tu Tere Pas Hai Kya Dekhta Idhar Udhar

Sub Chor Jain Ge Tujhe Jub Godh Le Gi Qabar

Yehi Hai Haqiqat Allah-O-Akbar Allah-O-Akbar

                         **********

JZ’S ROMAN URDU EXPRESSION

                       NUMBER SEVEN (7)

            KOSHISH

                BY JAVED ZAHEER

Yun hi dil karta hai tu lafz sher bun jaate hain

Warna hamein kahan kehna sher aate hain

Hum tu bus aisay hi likhte jaate hain

Kisi ko hansa te tu kisi ko rulate hain

Koshish yehi rehti ki sub aik rahain.

Isi maqsad ke liye hum khojate hain

            **********

JZ’S ROMAN URDU EXPRESSION

              NUMBER SIX (6)

SAMAJHNE KI BAAT

               BY JAVED ZAHEER

Molvi Mulla Ke Samajh Aye Gi Na Baat Meri

Halwe Mande Mein Guzarti Hai Din Raat Teri

Dekhne Mein Tu Bohot Ibadat Guzar Lagte Hain

Magar Logoun Mein Beej Nafrat Ke Bote Hain

Kaho Kia Allah Ke Nek Bandey Aise Hote Hain

Who Tu Allah Ki Yaad Mein Khoye Rehte Hain

Khidmat-e-Khalq Se Allah Ko Razi Karte Hain

Ye Koi Matlab Se Nahi Aik Maqsad Se Karte Hain

Kiyun Ki Who Sache Hain Aur Allah Se Darte Hain

Isi Liye Hum Sub Loug Unse Mohabbat Karte Hain

Haan Mullawale Bhi Allahwale Ho Sakte Hain

Sirf Sachi Tauba Se Apne Gunah Dho Sakte Hain

                             **********

JZ’S ROMAN URDU EXPRESSION

                NUMBER FIVE (5)

FAUJ KA FARZ

               BY JAVED ZAHEER

Tha Kabhi Shauq Mujhe Fauj Mein Jaane Ka

Chalti Hoi Golion Ko Seena Dekha Ne Ka

1971 Ka Tha Sunn Jub Ujar Gaya Chaman

Toot Ke Do Hissey Huye Lut Gaya Watan

Sabaq Sikha Na Koi Tarikh Aur Halaat Se

Barbad Kar Diya Sub Kuch Apne Haath Se

Bohot Na Shukrey Sabit Huwe Bande Hum

Lage Loot Mar Mein Khazana Kiya Khatam

Mardood Khel Rahe Hain Khoon Ki Holi

Mazloom Ko Mili Bhook, Maut Aur Goli

Kub Tab Chale Gi Aise Hi Dehshat Gardi

Kya Kar Rahi Hai Fauj Pehen Kar Wardi

Kya Inko Nazar Aata Nahi Khoon Kharaba

Bachana Qaum Ko Hi Farz Inka Hai Baba

Agar Ye Sote Rahe Tu Marti Rahe Gi Qaum

Na Rahe Gi Azadi, Na Wardi Na Ye Qaum
                      **********

 JZ’S ROMAN URDU EXPRESSION
            NUMBER FOUR (4)

ALLAH KA JALWA

            BY JAVED ZAHEER

Mein kuch nahi tha aur bunta chala gaya

Chund moti se haar boonta chala gaya

Roshni di ilm ne tu rang bhare qalam ne

Khuda ki meherbani se sambhalta chala gaya

Shohrat di oos ne tu izzat bhi saath mein

Kaise is nacheez ko koi cheez bana gaya

Ab hoga na gham judai ka marne ki fikr se

Allah ne mujhko jalwa kuch aisa dekha diya

                        **********

JZ’S ROMAN URDU EXPRESSION

            NUMBER THREE (3)

SIRF ALLAH SE DARO

              BY JAVED ZAHEER

 Ho Khuda Dil Mein Jub Tu Asl Sajda Hota Hai

Yun Sir Jhukane Se Sirf Waqt Ka Ziyan Hota Hai

Oos Ki Qurbat Ke Liye Kafi Nahi Mohabbat Karna

Is Ke Liye Zaroori Hai Insan Ko Allah Se Darna 

Mohabbat Karo Sub Se Ishq Khuda Se Karo

Zalim Ke Zulum Se Nahi Sirf Allah Se Daro

Oos Ko Paane Ke Liye Sach Ko Paana Hoga

Mut Bhool Ki Wapas Bhi Tujhe Jaana Hoga

                            **********

JZ’S ROMAN URDU EXPRESSION

            NUMBER TWO (2)

ISHQ AUR MOHABBAT

                BY JAVED ZAHEER

Koi hamein batlai ishq aur mohabbat kya hai

Ye kaam tu hum ne nahi kabhi kya hai

Samajhti rahi ki oos ne deewana kya hai

Kash oosey pata hojai ki wafa kya hai

Hamein tu aseer kya tha oos ki zulf ne

Warna ghuroor ke ilawa oos mein aisa kya hai

Kia buth bani parashtish karwane ke liye

Agar nahi tu phir ye sub majra kya hai

                         **********

JZ’S ROMAN URDU EXPRESSION

            NUMBER ONE (1)

PHOOLTI PHALTI RAHO

BY JAVED ZAHEER

(In praise of my niece Dr Savera Ali)

Kia Ali, Ali, Ali, Ali ki tasbeeh mein busy ho

Woh tumhara mizaji khuda hai khoosh raho lagi raho

Tumhari muskurahat aur Ali se mohabbat qaim daim rahe

Tum jahan bhi raho phoolti phalti raho

Nazar na lage kisi dushman ya hasid ki

Inse bohot hoshiar aur ba khabar raho

                      **********

JZ’S ROMAN URDU EXPRESSION

            SPECIAL NUMBER 

(A SLAP ON HUMANITY)

    INSAN AUR HAIWAN

                   BY JAVED ZAHEER

Ye Kis Zalim Ne Iske Moo Pe Mara hai

Kia Is Masoom Ne Kisi Ka Begara Hai

Ye Tu Abhi Kali Nazuk Si Pyari Si Hai

Kis Darindey Ne Ghussa Apna Utara Hai

Lalkara Kis Bedardi Se Insaniyat Ko Hai

Rokna Har Qeemat Pe Haiwaniat Ko Hai

                       **********

           SPECIAL PRAYERS

                   BY JAVED ZAHEER

 “The Almighty, please, please, please accept

 my prayers, help, support, protect and guide

 me, my people and my community.Yes indeed,

  we are suffering because of wrong approach

  and bad deeds. Give senses and understanding

  to our parents, elders and leaders so that they

  become really good and responsible, learn to

  live and work together, love and care for each

  other, make us good and give us better life,

  education and bright future. Oh God, please

  have mercy on us. Shower blessings on us.”

  Voice Of The Community---Javed Zaheer  

                     **********

Visit www.javedzaheernews.blogspot.ca for more exclusive articles

JAVED ZAHEER, FREEEXPRESSION AWARD WINNER

JZ’S PROFILE:  Declared by Judges as one of 75 Finalist Best Canadian Immigrants, an Honour for the Pakistani Community. Joined Journalism Profession in 1974 (Daily `SUN’, Karachi) and still serving as a professional journalist (2014). Javed Zaheer, Free Expression Award Winner (Awarded by National Ethnic Press & Media Council of Canada—NEPMCC. Award presented by Lieutenant-Governor of Ontario, Canada), Desi Idol Recognition Award Winner (Presented by North American Desi Idol), Member/Honorary Director of NEPMCC, Veteran Active Member (VAM) of Toronto Press Club, Ex-Member of The National Club and The Ontario Club, Honorary Editor of English Weekly `Pakistan Abroad’, Canada, ex-Chief Editor (Honorary) of English Weekly `The Ambassador’, Canada, ex-Chief Editor (Honorary) of English Weekly `DAWN', Canada, ex-Senior Sub-Editor of English Daily DAWN, Pakistan (From 1986-1999), Chairman, CANOPI, Director of Children Dignity Foundation (CDF---Canada & Pakistan) and Honorary Director, Canpak, Chamber of Commerce, and Honorary Director Information, Pak Seniors Forum (PSF), is contributing purely on Voluntary and Honorary Basis in order to serve all people and communities. Contact: (416)696-0981/jazamedia@hotmail.com To read more JZ’s exclusive articles, please visit: www. nepmcc.ca and nationalethnicpress.com (Editorial Sections. Scan years from 2004). Visit www.javedzaheernews.blogspot.com for latest exclusive articles.

        JZ'S MOTTO: SERVE HUMANITY IN REALITY         

ABOUT JAVED ZAHEER’S

ROMAN URDU EXPRESSION

  (TOOTI PHOOTI SHAIRI)

Lahu Ko Qalam Ki Roshnai Banata Hoon

Mein Ko Khudi Ki Taqat Se Mita Ta Hoon

Hon Agar Iraday Mazboot Aur Buland

Rok Sakey Gaa Na Koi Pahar Aur Bund

               *********

Jo Bhi Kehta Hoon Apna Kehta Hoon

Salam Bhi Apna Kalam Bhi Apna

Jo Dosre Kehte Oos Se Mutasir Hoon

Dil Apna Dard Paraya Rakhta Hoon

              **********